Kloster Himmelpfort » Heimatverein Kloster Himmelpfort e.V. » Gründungsurkunde
Das Original zu diesem Ausdruck finden Sie im Internet unter
www.kloster-himmelpfort.de/hv/kloster_himmelpfort.html
vom 24. November 1299, wie sie von Erasmus Seydell vom Original (das verschollen ist) kopiert und von Riedel im Codex Diplomaticus Brandenburgiensis, Teil 1, Band 13, Berlin 1857, S. 8f., wiedergegeben wurde.
Enthalten ist die Gründung einer neuen Kirche des Zisterzienserordens im Lande Lychen, die 'Celiporta' genannt werden soll, und ihre Ausstattung mit Dörfern, Land, Waldungen, Mühlen und Zinsen durch den [1] Markgrafen Albrecht III. von Brandenburg (im Text 'Albertus'), der schon im nächsten Jahr verstarb.
Eine [2] digitale Kopie der von Seydell
und Riedel gesammelten Urkunden gibt es hier (Hinweis: sehr große PDF-Datei [117 MB]).
Die Nutzung [3] dieser Kopie vom
[4] Münchener Digitalisierungszentrum
ist zu [5] nicht-kommerziellen Zwecken, wie hier verlinkt, frei.
In Nomine Sancte et indiuidue Trinitatis Amen. Licet omnis ſpiritus laudare Dominum teneatur, amplius tamen hij, qui de abundantia pietatis eius amplius acceperunt. Nos igitur Albertus, Dei gratia Marchio Brandenburgenſis, recognoſcimus publice per preſentes, Quod de donis altiſſimi, nobis temporaliter conceſſis, ipſum, a quo bona cuncta procedunt, laudare et benedicere cupientes, cum conſilio et auxilio Reuerendi patris et Domini Johannis, Abbatis Eccleſie Leninenſis, ad laudem et gloriam Dei omnipotentis eiusque pie matris Marie Virginis perpetue, ad ſalutem quoque animarum, noſtre uidelicet ac progenitorum noftrorum, Et ſpecialiter generoſi principis chariſſimi fratris noſtri Ottonis et filiorum ſuorum, ac etiam filiorum noſtrorum Ottonis et Johannis et heredum ac ſucceſſorum noſtrorum omniumque fidelium defunctorum, nouelle plantationis Eccleſiam ordinis Ciſtercienſis in terra noſtra Lychen fundauimus, quam appellauimus Celiportam, quamque bonis noſtris dotauimus infraſcriptis. Inprimis donauimus eidem Eccleſie Villam Carſtauel cum ſuis pertinentijs, Magnam Thymen et paruam Thymen cum ſuis pertinentijs. Inſuper et omnes Mericas et ſiluas adiacentes et ſpecialiter ſiluam, que Stolpenbruk dicitur. Item Mericam et ſiluam, que protenditur a metis Campi Carſtauel uſque Furſtenbergk. Item uillam Garlin cum merica et diſtinctionibus ſuis. Item uillam Lyniczere cum ſuis pertinentijs. Item uillam Bruſenwalde cum fuis pertinentijs. Item centum Manſos in terra noſtra Stargardenſi, quos filio noſtro chariſſimo Domino Henrico Magnopolenſi in uillis, uidelicet Nedemin, Werben, Wlotouu, commiſimus demonſtrandos. Hos autem manſos cum omnibus uillis, predictis dedimus prefate Eccleſie cum omnibus ſuis pertinentijs, metis et diſtinctionibus, agris cultis et incultis, pratis, paſcuis, nemoribus, ſiluis et lignis, rubis, aquis et riuis et generaliter cum omnibus prouentibus eorundem, cum omni etiam iure, proprietate, iuriſdictione, dominio et utilitatibus quibuslibet in omnibus et per omnia, quemadmodum eas hucusque poſſedimus, eidem Eccleſie Celiporte donauimus iuſto proprietatis ac libertatis titulo in perpetuum poſſidendas. Volentes etiam, ut dicte uille nunquam ullis temporibus precaria, exactione, ſeruitio curruum aut quacunque moleſtia ab aliquo ſucceſſorum noftrorum aut eorum officialibus pregrauentur. Item dedimus dicte Eccleſie aquas et ſtagna infraſcripta. Inprimis ſtagnum Platekouu, Santis, Vlake Zuzen, Tiepe Zuzen, Leſt. Item ſtagnum Tiepe Worll, Vlake Worll. Item ſtagnum grote Lychen, Lutke Lychen, grote Melne, lutke Melne, Wublitz, Pyan, Blokenthien, Weſtwitz, Sidouu. Item ſtagnum Stolp, Mörſeken, Sicheluuiſt, Zwett, Balam, Röbelin. Item ſtagnum Thymen apud uillam Garlin, Klyſteuuitz. Item ſtagnum grote Zwagerou. Item ftagnum inter Thymen et Zwagerow. Item ftagnum Dobelouu. Item ſtagnum Brenghentin. Item grote Kelle, lutke Kelle. Item grote Karſtauell, lutke Karftauel, Crummeſe, Lynyczere. Item ſtagnum grote Crun, lutke Crun, Stipenſe, Rekenitz. Item ſtagnum ſituatum in Campo Lybbewe, et generaliter omnia ſtagna magna et parua, riuos et omnes aquas ad terram Lychen pertinentes, cum piscationibus et utilitatibus, cum metis et fundis et prouentibus ſingulorum in perpetuum, cum omni iure et proprietate, iuriſdictione, dominio et libertate, ſine moleſta cuiuslibet libere poſſidenda, prohibentes, ne quis in predictis aquis piscari debeat, Crates aut ſepes uel gurguſtia edificare ſine uoluntate fratrum nominate Eccleſie et asſenſu, exepto, quod incole ciuitatis Lychen habeant facultatem piſcandi in aquis prope ciuitatem cum minutis retibus, que dicuntur Stoke Wathe, et cum ruſis ſiue gurguſtijs, ita tamen, quod Eccleſie Celiporte incole dicte ciuitatis Lychen condignum cenſum ſiue reditum dabunt, ſicuti habentibus aquas dederunt ab antiquo. Inſuper pretaxate Eccleſie donauimus Molendina infra ſcripta, inprimis proprietatem Molendini cum quatuor rotis ante ciuitatem noſtram Nygen Brandenburg ſiti. Item proprietatem Molendini Nedemin. Item molendina apud uillam Bruſenuualde. Item dimidium molendinum Stolp. Item molendinum apud paruam Thymen. Item molendinum in ciuitate Lychen et molendinum ante ciuitatem eandem, precipientes et uolentes, Vt omnes incole eiusdem ciuitatis ad dicta duo molendina, ſita in ciuitate et ante ciuitatem, molere debeant, nec ad alia molendina unquam annonam ſuam educere uel educi facere molendi gratia audeant uel preſumant. Item dedimus dicte Eccleſie molendinum apud Villam Kuſtrin, et generaliter omnia molendina ſupra predictis aquis omnibus et ſtagnis conſtructa, nunc et futuris temporibus conſtruenda, cum omni iure, proprietate, iurisdictione, dominio et utilitatibus quibuslibet, cum locis, areis, fundis, metis et diſtinctionibus, libertate etiam plenaria, perpetuo posſidenda. Prohibentes etiam, ne quis aquas dictas et ſtagna de ſtatu ſuo conſueto ſodendo deducat ſine Abbatis et conuentus dicte Eccleſie, licentia ſpeciali. Item donauimus eidem Eccleſie in molendino Furſtenbergk Triginta ſolidos cenſus nouorum Brandenburgenſium denariorum. Item uiginti ſolidos eorundem nouorum denariorum Brandenburgenſium dedimus dicte Eccleſie in Ciuitate Lychen, quos aduocato noſtro Henrico Crouuel commiſimus demonſtrandos. Tres ſolidos ſuper area argilloſa, ſita iuxta ſtagnum, quod dicitur Diepe Worll. Item duos ſolidos ſuper inſula, ſita apud ſtagnum Leſth. Item quindecim ſolidos in cenſu quinque Manſorum eiusdem ciuitatis ſingulis annis percipiendos. Hec predicta bona vniuerſa, videlicet villas, cenſum, aquas, ſtagna, molendina, donauimus Dicte Eccleſie et fratribus ibidem Deo ſeruientibus in perpetuum libera et exempta, nihil iuris in eis nobis uel noſtris ſucceſſoribus referuantes. Vt igitur hec gratia ſeu donatio facta eidem Eccleſie a nobis et noſtris ſucceſſoribus inuiolabiliter obſeruetur, preſentes conſcribi et Sigilli noſtri appenſione fecimus communiri. Teſtes quoque huius ſunt: Venerabilis pater Dominus Johannes, Hauelbergenſis Eccleſie Episcopus, Theodoricus, plebanus in Lychen, Arnoldus, plebanus in Euerſuualde, Bruno, plebanus in Berlin, Magiſter de Dymyn et Baldeuuinus, plebanus in noua Bernau, Capellani noſtri; Wilhelmus Soneke, Busſo de Dolla, Johannes Sparro et Henricus de Pule, milites noſtri, et Henricus Krouuel, aduocatus noſter in Lychen, et quamplures alii fidedigni. Datum Euerſuualde, Anno Domini Mº. CCXCIXº., in die Beate Catharine, Virginis et Martiris glorioſe.
Auscultata et Collatio nata est hec presens Copia per me Erasmum Seydell Misnensis Diocesis Clericum conjugatum Sacris Pontificia et Imperiali autoritatibus Notarium Publicum. Concordat cum suo vero originali de Verbo ad Verbum, quod attestor hac mea manu propria.
Das Original zu diesem Ausdruck finden Sie im Internet unter
www.kloster-himmelpfort.de/hv/kloster_himmelpfort.html
Seite erstmals erzeugt: 24.11.1299. Letztes Update: 10.3.2024. © 2010...2024 [6] HKSC, Himmelpfort. Git 6fd8943
Diese Liste zeigt Ihnen die Ziele der numerierten Links im vorstehenden Text, damit Sie sie auch im gedruckten Zustand noch nutzen können.